Balasaheb Thackeray Quotes – “तोंड वाजवून न्याय मिळत नसेल, तर…” बाळासाहेब ठाकरे आणि त्यांचे रोखठोक वक्तव्य, वाचा सविस्तर…

हिंदुहृदयसम्राट शिवसेना प्रमुख बाळासाहेब ठाकरे यांच्या जयंतीनिमित्त विनम्र अभिवानद. भारताच्या इतिहासात बाळासाहेब ठाकरे यांचे नाव आदराने घेतले जाते. आपले संपूर्ण आयुष्य त्यांनी सामान्य माणसांना न्याय देण्यासाठी खर्ची घातले. आपल्या धारधार लेखणीतून आणि रोखठोक भाषणांमधून त्यांनी मराठी माणसाला अन्यायाविरुद्ध लढण्याची प्रेरणा दिली. बाळासाहेब ठाकेर आज हयात नसले तरी त्यांचे विचार आजही जिवंत आहेत. त्यांची रोखठोक वक्तव्य मराठी माणसाला आजही प्रेरणा देतात, जगण्याचे बळ देतात, अन्यायाविरुद्ध आवाज उठवण्याची शक्ती देतात. 

‘नोकऱ्या मागण्यापेक्षा नोकऱ्या देणारे होऊ ही महत्त्वाकांक्षा बाळगा.’

बाळासाहेब ठाकरे यांचे हे वाक्य लाखो मराठी तरुणांना प्रेरणा देणारं आहे. परप्रांतीय बाहेरून येऊन मिळेल तो व्यवसाय करत आहेत. परंतु मराठी माणूस व्यवसायाकडे वळत नाही. त्यामुळे बाळासाहेबांनी मराठी तरुणांना उद्देशून म्हटल होतं की, नोकऱ्या मागण्यापेक्षा नोकऱ्या देणारे होऊ ही महत्वाकांक्षा बाळगा.’ 

“लोक मला काय म्हणतात याची मला पर्वा नाही, मी महाराष्ट्रासाठी जे योग्य आहे तेच करेन.”

महाराष्ट्रासाठीच्या त्यांच्या दृष्टिकोनाशी बाळासाहेबांची बांधिलकी म्हणजे अनेकदा धाडसी निर्णय घेण्याची क्षमता महाराष्ट्राप्रती असणारी त्यांची निष्ठा दाखवून देते. अनेकवेळा त्यांच्यावर टीकाही करण्यात आली. परंतु त्यांनीही त्यांच्या शैलीत टीका करण्यारांचा खरपूस समचार घेतला आहे. महाराष्ट्र आणि मराठी अभिमानाप्रती त्यांची निष्ठा प्रत्येक कृती आणि भाषणातून स्पष्ट दिसत होती.

‘जीवनात एकदा निर्णय घेतला की मागे फिरू नका, कारण मागे फिरणारे इतिहास रचू शकत नाहीत.’

बाळासाहेब ठाकरे यांना रिस्क घ्यायला आवडत असे. परंतु मागे फिरण त्यांच्या रक्तात नव्हतं. त्यांनी आपल्या भाषणांमधून अनेक वेळा सांगितलं आहे, की जीवनात एकदा निर्णय घेतला की, तो निर्णय सत्यात उतरवण्यासाठी दिवस-रात्र मेहनत करा. परंतु मागे फिरू नका, कारण मगे फिरणारे इतिहास रचू शकत नाहीत. 

‘वयाने म्हातारे झालात तरी चालेल, पण विचाराने कधी म्हातारे होऊ नका.’

हे वाक्य बाळासाहेब ठाकरेंच्या शिवसेनेच्या मूलभूत विचारसरणीचे प्रतिबिंबित करते: मराठी लोकांना जगण्याची प्रेरणा देते. तुमचे विचार जेवढे परिपक्व असतील, त्याच्या दुप्पट वेगाने कृती करण्याची क्षमता तुमच्यामध्ये असली पाहिजे. तुमचे विचारच जर भिकारी असतील, तर तुमची कृतीही त्याच दर्जाची असणारं. त्यामुळे बाळासाहेब ठाकरे ठणकावून सांगतात की, वयाने म्हातारे झालात तरी चालेल, पण विचाराने कधी म्हातारे होऊ नका.’

‘तोंड वाजवून न्याय मिळत नसेल, तर तोंडात वाजवून न्याय मिळवा. पण, न्याय मिळालाच पाहिजे.’

हा महाराष्ट्रा आपला आहे आणि इथे आवाजही आपलाच असला पाहिजे, ही बाळासाहेब ठाकरे यांची भुमिका होती. त्यामुळे अन्याय सहन करायचा नाही. न्याय मिळत नसेल तर तोंडात वाजवून न्याय मिळवा, असा आदेशच त्यांनी दिला होता. म्हणूनच ते म्हणतात, ‘तोंड वाजवून न्याय मिळत नसेल, तर तोंडात वाजवून न्याय मिळवा. पण, न्याय मिळालाच पाहिजे.’

“मी जे बोलतो ते कटू असू शकते, पण ते सत्य आहे. मी साखरेच्या लेपित शब्दांवर विश्वास ठेवत नाही.”

बाळासाहेब ठाकरे कधीही त्यांचे मत व्यक्त करण्यास मागेपुढे पाहत नव्हते. त्यांची भाषणे, जरी कधीकधी वादग्रस्त असली तरी, त्यांच्या प्रामाणिकपणासाठी आणि वास्तवाला साखरेच्या लेपित करण्यास नकार देण्यासाठी ओळखली जात होती.

‘एकजुटीने राहा, जाती आणि वाद गाडून मराठी माणसांची भक्कम एकजूट उभारा. तरच तुम्ही टिकाल आणि महाराष्ट्रही टिकेल.’

बाळासाहेब ठाकरे यांनी हिंदुत्वाचा पुरस्कार अल्पसंख्याकविरोधी अजेंडा म्हणून केला नाही तर सांस्कृतिक आणि राष्ट्रीय अभिमानाचे साधन म्हणून केला. मराठी माणसाने एकमेकांना धरून राहिले पाहिजे, ही त्यांची पहिल्या पासून भुमिका होती. टीकायचं असेल तर एकजूट हाच पर्याय असल्याचे त्यांनी आपल्या भाषणांमधून अनेकवेळा सांगितले आहे. 

“मी एक कलाकार आहे आणि माझे शब्द वास्तवाचे चित्र रंगवतात.”

व्यंगचित्रकार म्हणून बाळासाहेबांचे मूळ अनेकदा त्यांच्या वक्तृत्वावर प्रभाव पाडत असे. हे वाक्य गंभीर समस्यांना तोंड देण्यासाठी विनोद, व्यंग्य आणि दृश्यात्मकतेचा वापर करून जीवन आणि राजकारणाकडे पाहण्याचा त्यांचा सर्जनशील दृष्टिकोन प्रतिबिंबित करते.

“जर तुम्ही वाघ असाल तर कोणताही कुत्रा भुंकण्याची हिंमत करणार नाही.”

त्यांच्या सर्वात प्रसिद्ध उपमांपैकी एक, बाळासाहेब ठाकरे यांनी त्यांच्या अनुयायांची तुलना वाघांशी केली, जे शक्ती, धैर्य आणि लवचिकतेचे प्रतीक आहेत. हे त्यांच्या समर्थकांमध्ये आत्मविश्वास निर्माण करण्याच्या त्यांच्या प्रयत्नांचा एक भाग होता.

“भारत हा एक देश आहे, परंतु प्रत्येक प्रदेशाचा स्वतःचा अभिमान आहे. त्याचा आदर केला पाहिजे.”

बाळासाहेबांनी मराठी अस्मितेचे समर्थन केले असले तरी, ते नेहमीच संपूर्ण भारताच्या एकतेवर विश्वास ठेवत होते. संघराज्याच्या त्यांच्या कल्पनेत राष्ट्रीय अभिमान जोपासताना प्रादेशिक अस्मितेचा आदर करणे समाविष्ट होते.

Bacchu Kadu – दिव्यांग बांधवांचा आधारवड! पराभवाचा धक्का बसलेला एक तगडा नेता, बाळासाहेब ठाकरेंमुळे राजकारणात एन्ट्री

बाळासाहेब ठाकरे यांचे शब्द केवळ शक्तिशाली नव्हते तर त्यांच्या काळातील सामाजिक-राजकीय वास्तवांचे प्रतिबिंब देखील होते. त्यांनी त्यांच्या अनुयायांमध्ये तीव्र भक्ती निर्माण केली आणि ते भारतातील सर्वात प्रतिष्ठित नेत्यांपैकी एक होते. त्यांचे विचार आजही धगधगत आहेत, लोकांना प्रेरणा देत आहेत.

बाळासाहेब ठाकरे यांचे कोणते वाक्य तुम्हाला सर्वात जास्त आवडते. कमेंटमध्ये नक्की सांगा