Maharashtra Kesari 2026 – महाराष्ट्र केसरीच्या आखाड्यात दिग्गजांचा जलवा; जखमी सिकंदरचा झंझावाती इशारा!

गादी विभागातही अनुभवी मल्लांचा वरचष्मा पाहायला मिळाला. पुण्याच्या पृथ्वीराज मोहोळने धाराशिवच्या धीरज बारस्करवर 12-2 अशी एकतर्फी मात करत दमदार सुरुवात केली. शिवराज राक्षेने श्रेयस होळकरला 10-0 ने पराभूत करत आपली आक्रमक शैली दाखवून दिली. त्याचप्रमाणे पृथ्वीराज पाटीलने सत्पाल शिंदेवर 10-0 ने विजय मिळवत आपली ताकद अधोरेखित केली, तर हर्षवर्धन सदगीरने वेताळ शेळकेला 8-1 ने हरवत पुढील फेरीत प्रवेश केला.

दरम्यान, सिकंदर शेखने जखमी अवस्थेतही दाखवलेली जिद्द विशेष ठरली. लढतीदरम्यान नाकाला दुखापत होऊनही त्याने हार मानली नाही आणि पुण्याच्या मनीष रायतेवर 8-2 अशी मात करत जोरदार पुनरागमन केले. त्याच्या या लढवय्या वृत्तीला प्रेक्षकांनी दाद दिली असून, यंदाच्या स्पर्धेत तो विजेतेपदाचा प्रबळ दावेदार ठरणार असल्याचे संकेत मिळत आहेत.