Panchgani News – छत्री निशाणी हाती घेऊन युवा नेतृत्व गणेश कासुर्डे मैदानात; विकासासाठी नागरिकांचा वाढता पाठिंबा

स्थानिक प्रश्नांना प्राधान्य देत पाणीपुरवठा, रस्ते-विकास, स्वच्छता, सार्वजनिक सोयीसुविधा आणि युवांसाठी प्रगत संधी हे विषय कासुर्डेंच्या प्रचाराचा केंद्रबिंदू ठरत आहेत. युवा उमेदवार म्हणून नव्या ऊर्जा आणि सकारात्मक बदलाची अपेक्षा बाळगणारा नागरिक वर्ग त्यांच्याभोवती एकवटताना दिसत आहे.

प्रचाराच्या प्रारंभीपासूनच नागरिकांचे वाढते सहकार्य, संवादात मिळणारी सकारात्मक प्रतिक्रिया आणि विविध प्रभागातून मिळणारा उत्स्फूर्त प्रतिसाद यामुळे कासुर्डेंची उमेदवारी अधिक मजबूत होत असल्याचे पहायला मिळते. “विकासासाठी साथ द्या” या आवाहनाला नागरिकांचा मोठा प्रतिसाद मिळत असून छत्री निशाणी स्थानिक पातळीवर आकर्षणाचे केंद्र बनली आहे.

एकूणच, युवा नेतृत्वाची दमदार एंट्री आणि विकासाधारित अजेंडा यांच्या बळावर गणेश कासुर्डे निवडणूक रिंगणात लक्षवेधी ठरत आहेत.