Top Serial Killers – ‘हे’ होते जगातील सगळ्यात भयानक सीरियल किलर्स, वाचा सविस्तर…

Top Serial Killers

जगाच्या कानाकोपऱ्यात दररोज खूनाच्या आणि चोरीच्या घटना घडत असतात. परंतु काही घटना या इतक्या भयंकर असतात की, त्याचा फक्त विचार जरी केला, तरी अंगावर काटा येतो. असे कृत्य एखादा व्यक्ती कस काय करू शकतो? असा प्रश्न यावेळी नक्कीच पडतो. चित्रपटांच्या माध्यमातून सीरियल किलींगच्या घटनांबद्दल तुम्ही पाहिलं असेल. एकाच पॅटर्नमध्ये खून करण्याची पद्दत काळजाचा थरकाप उडवणारी असते. अशा घटनांमुळे सामाजिक वातावरण पूर्णत: ढवळून निघते. अशा काही सीरियल किलर्सवर आधारित चित्रपट गेल्या काही वर्षांमध्ये प्रदर्शित झाले. प्रेक्षकांनी या चित्रपटांना भरभरून प्रतिसाद दिला आहे. अशाच काही कुप्रसिद्द सीरियल किलर्सची माहिती या ब्लॉगमध्ये आपण घेणार आहोत. त्यामुळे ब्लॉग शेवटपर्यंत नक्की वाचा.  

टेड बंडी (युनायटेड स्टेट्स)

टेड बंडी हा अमेरिकन इतिहासातील सर्वात कुप्रसिद्ध सिरीयल किलर्सपैकी एक आहे. 1970 च्या दशकात सक्रिय असलेल्या बंडीने महिलांना आकर्षित करण्यासाठी त्यांच्या सौंदर्याची खोटी स्तुती करत असे. अनेकदा त्यांचा विश्वास मिळवण्यासाठी तो पीडितांची मदत करत असे. पीडितांना विश्वास बसला की त्याचा पुढचा मार्ग सुरू व्हायचा.

गुन्हे – बंडीने 30 महिलांची हत्या केल्याची कबुली दिली, परंतु तज्ञांचा असा विश्वास आहे की, हत्या करण्यात आलेल्या महिलांची संख्या यापेक्षाही जास्त आहे. 
युक्ती – तो फसवणुकीचा वापर करत असे आणि अनेकदा तरुणींना शिकार करत असे.
फाशी – बंडीला 1978 मध्ये पकडण्यात आले आणि 1989 मध्ये त्याला फाशी देण्यात आली. त्याचा खटला हा जनतेचे लक्ष वेधून घेणारा पहिला खटला होता.

जॅक द रिपर (इंग्लंड)

जॅक द रिपरने 1800 च्या उत्तरार्धात लंडनमधील व्हाईटचॅपलच्या रस्त्यांवर दहशत निर्माण केली. महिलांच्या, विशेषतः वेश्यांची अत्यंत क्रृरपणे हत्या करत अले. त्यामुळे त्याची एक दहशत महिलांमध्ये निर्माण झाली होती. परंतु त्याचा मुळ फोटो मिळू शकलेला नाही.

गुन्हे – त्याने किमान पाच महिलांची हत्या केल्याचे मानले जाते, परंतु तज्ञांच्या मते त्याने यापेक्षाही अधिक हत्या केल्या असाव्यात.
पद्धती – जॅक द रिपर त्याच्या बळींचे चिरफाड करण्यासाठी ओळखला जात होता. 
कधीच पकडण्यात आले नाही – त्याच्या ओळखीबद्दल शेकडो सिद्धांत असूनही, जॅक द रिपर कधीही पकडला गेला नाही.

आयलीन वुओर्नोस (युनायटेड स्टेट्स)

आयलीन वुओर्नोस ही एक महिला सीरियल किलर होती. आयलीनने 1980 च्या दशकाच्या उत्तरार्धात आणि 1990 च्या दशकाच्या सुरुवातीला फ्लोरिडामध्ये पुरुषांच्या तोंडचे पाणी पळवले होते. पुरुषांना टार्गेट करून ती त्यांचा खून करत होती. तिच्या जीवनावर आधारित ‘मॉन्स्टर’ हा चित्रपट 2003 साली प्रदर्शित झाला होता.

गुन्हे – वुओर्नोसने सात पुरुषांना ठार मारले. परंतु तिने असा दावा केला की त्या पुरुषांनी तिच्यावर हल्ला करण्याचा प्रयत्न केला. त्यामुळे हत्या करण्यात आली. 
हेतू – पोलिसांनी दिलेल्या जबाबामध्ये तिने सांगितले की तिने तिच्या स्वसंरक्षणार्थ पुरुषांच्या हत्या केल्या होत्या. परंतु तिच्यावर कोणाचाही विश्वास बसला नाही.
फाशी – वुओर्नोसला 2002 मध्ये प्राणघातक इंजेक्शन देऊन मृत्युदंड देण्यात आला.

आंद्रेई चिकातिलो (रशिया)

आंद्रेई चिकातिलो हे सोव्हिएत इतिहासातील सर्वात भयानक सीरियल किलरपैकी एक होते. “रोस्तोव्हचा कसाई” म्हणून त्याला ओळखलं जात होतं.  1978 ते 1990 दरम्यान सक्रिय असणारा हैवानाने 50 हून अधिक लोकांना बळी घेतला आहे. 

गुन्हे – चिकातिलोने 56 खून केल्याची कबुली दिली. परंतु त्याला 52 खूनांसाठी शिक्षा सुनावण्यात आली. 
बळी – त्याने केलेल्या हत्यांमध्ये महिला आणि मुलांचा समावेश होता.
फाशी – त्याला 1990 मध्ये पकडण्यात आले आणि 1994 मध्ये फाशी देण्यात आली.

जेफ्री डाहमर (युनायटेड स्टेट्स)

“मिलवॉकी कॅनिबल” म्हणून ओळखले जाणारा जेफ्री डाहमरच्या गुन्ह्यांनी अमेरिकेला हादरवून टाकले होते. 1978 ते 1991 दरम्यान सक्रिय असलेला जेफ्रीने निर्दयीपणे अनेकांना कंठस्नान घातलं. त्यांची अत्यंत भयानक पद्धतीने हत्या केली. खून केल्यानंतर अवयवांचे तो तुकडे पाडत असे.

गुन्हे – डाहमरने 17 तरुण आणि मुलांची हत्या केल्याची कबुली दिली.
पद्धती – त्याने पीडितांना पैशांचे आमिष दाखवून त्यांचा खून केला.   
मृत्यू – डाहमरला 1991 मध्ये अटक करण्यात आले होते.  1994 मध्ये त्याच्या एका सहकारी कैद्याने त्याची हत्या केली.

एड गेन (युनायटेड स्टेट्स)

जरी तो एक भयानक खुनी नसला तरी, एड गेनच्या भयानक कृत्यांनी नॉर्मन बेट्स आणि बफेलो बिल सारख्या प्रतिष्ठित काल्पनिक पात्रांना प्रेरणा दिली. 1950 च्या दशकातील गेनच्या गुन्ह्यांनी विस्कॉन्सिनमधील प्लेनफिल्ड या छोट्या शहरात हादरून टाकले.

गुन्हे – गेन हा मृत्यू झालेल्या नागरिकांच्या कबरी बाहेर काढत असे. तसेच मुडदे बाहेर काढून मानवी त्वचेपासून आणि हाडांपासून तो विविध वस्तू तयार करत होता.
खून – त्याने दोन महिलांची हत्या केल्याची कबुली दिली.
वारसा – त्याच्या भयानक पद्धतींनी भयपट चित्रपट आणि साहित्यावर प्रभाव पाडला.

एच.एच. होम्स (युनायटेड स्टेट्स)

एच.एच. होम्स याला “अमेरिकेचा पहिला सिरीयल किलर” म्हणून संबोधले जाते. त्याने 19 व्या शतकाच्या उत्तरार्धात सक्रिय पणे 200 हून अधिक जणांची हत्या केली. शिकागोमध्ये काम करत असताना, त्याने “मर्डर कॅसल” म्हणून कुप्रसिद्ध असलेली इमारत बांधली होती. 

गुन्हे – होम्सने 200 लोकांंना मारल्याचे मानले जाते. परंतु तपासामध्ये 27 जणांच्या हत्येची पुष्टी मिळाली.
पद्धती – पीडितांना पकडण्यासाठी त्याने त्याच्या हॉटेलमध्ये सापळे आणि लपलेले मार्ग वापरले.
फाशी – 1896 मध्ये होम्सला फाशी देण्यात आली.

पेड्रो अलोन्झो लोपेझ (दक्षिण अमेरिका)

“अँडीजचा राक्षस” असे टोपणनाव असलेले पेड्रो लोपेझ हे इतिहासातील सर्वात प्राणघातक सिरीयल किलर्सपैकी एक आहे. ज्यांने जवळपास 300 लोकांची अत्यंत निर्घृणपणे हत्या केली होती.

गुन्हे – लोपेझने कोलंबिया, इक्वेडोर आणि पेरूमध्ये 300 हून अधिक तरुणींची हत्या केल्याची कबुली दिली.
अटक – त्याला 1980 मध्ये अटक करण्यात आली होती परंतु नंतर अपुऱ्या कायद्यांमुळे त्याची सुटका करण्यात आली.

एलिझाबेथ बॅथोरी (हंगेरी)

काउंटेस एलिझाबेथ बॅथोरी, ज्याला “ब्लड काउंटेस” म्हणूनही ओळखले जाते, ती सर्वात कुप्रसिद्ध महिला सिरीयल किलरपैकी एक आहे. 16 व्या शतकाच्या उत्तरार्धात आणि 17 व्या शतकाच्या सुरुवातीला सक्रिय असलेल्या तिच्या कथित गुन्ह्यांवर गूढता आणि दंतकथेचा कब्जा आहे.

गुन्हे – तिने तरुणपणा टिकवून ठेवण्यासाठी शेकडो तरुणींना मारल्याची अफवा आहे.
वारसा – काही इतिहासकारांचे म्हणणे आहे की तिचे गुन्हे राजकीय प्रतिस्पर्ध्यांनी अतिशयोक्तीपूर्ण किंवा बनावट केले होते.
मृत्यू – तिला तिच्या किल्ल्यापर्यंत मर्यादित ठेवण्यात आले आणि 1614 मध्ये तिचा मृत्यू झाला.

जॉन वेन गॅसी (युनायटेड स्टेट्स)

“किलर क्लाउन” म्हणून ओळखले जाणारा जॉन वेन गॅसीच्या गुन्ह्यांनी 1970 च्या दशकात अमेरिकेला भयभीत केले. गॅसी ही एक आदरणीय समुदायाची व्यक्ती होती परंतु तिने एक गडद रहस्य लपवले होते. जोकरच्या पोषाकात लपलेल्या या हैवानाने तरुणांना आपले लक्ष्य केले होते.

गुन्हे – गॅसी डब्ल्यू याला 33 तरुण आणि मुलांची हत्या केल्याबद्दल दोषी ठरवण्यात आले.
पद्धती – त्याने त्याच्या पीडितांना काम किंवा पैशाचे आमिष दाखवून अनेकांना त्याच्या घराच्या अंगणात पुरले.
फाशी – 1994 मध्ये त्याला प्राणघातक इंजेक्शन देऊन फाशी देण्यात आली.

मानसिक संतुलन बिघडल्यामुळे, समाजापासून अंतर ठेऊन राहण्याच्या पद्धतीमुळे किंवा एखाद्या वाईट घटनेमुळे समाजाकडे पाहण्याचा नकारात्मक दृष्टिकोन अशा काही समजांमुळे सीरियल किलर्स जास्त घातक होत जातात. आपण समाजापेक्षा वेगेळे असल्याची समजूत, असे लोकं करून घेतात आणि त्याचि परिणिती म्हणजे निष्पान नागरिकांचा जीव जातो. बऱ्याच वेळा सीरियल किलर्सच्या आयुष्यात घडलेला एक वाईट प्रसंग त्यांना अशी भयानक क्रृत्य करण्यास प्रेरित करत असल्याचे अभ्यासात उघड झाले आहे.  त्यांची घृणास्पद कृत्ये भयानक असली तरी, त्यांच्या पद्धती, मानसशास्त्र आणि पार्श्वभूमी समजून घेतल्याने भविष्यातील दुर्घटना टाळता येऊ शकतात. चांगल्या कायद्याची अंमलबजावणी, मानसिक आरोग्य समर्थन आणि जनजागृतीद्वारे, आपण अशा विनाशकारी गुन्ह्यांचे प्रमाण कमी करण्याचा प्रयत्न करू शकतो.