Wai News – पाऊस आला की अंधार! वाई तालुक्याच्या पश्चिम भागात वीजपुरवठ्याचा खेळखंडोबा; मंगळवारीही लाईट गायब

या वादळी पावसाचा फटका शेतकरी वर्गालाही बसला आहे. आंबा उत्पादकांचे मोठे नुकसान झाले असून झाडांवरील आंबे गळून पडले आहेत, तर भुईमुगासह इतर पिकांची कामे विस्कळीत झाली आहेत. जोर, गोळेगाव यांसारख्या दुर्गम व डोंगराळ भागांमध्ये परिस्थिती आणखीनच गंभीर बनते. वादळी वाऱ्यामुळे झाडांच्या फांद्या तुटणे, विद्युत तारा खंडित होणे आणि रात्रीच्या वेळी पूर्ण अंधार पसरल्याने नागरिकांमध्ये भीतीचे वातावरण निर्माण होते. वारंवार उद्भवणाऱ्या या समस्येमुळे स्थानिकांमध्ये संताप व्यक्त होत असून, वीजपुरवठा सुरळीत करण्यासाठी कायमस्वरूपी उपाययोजना करण्याची मागणी होत आहे.