Wai News – घरात घुसून कुत्र्याचा फडशा पाडला! जांभळी खोऱ्यात बिबट्याची दहशत, ग्रामस्थांमध्ये भीतीचे वातावरण

रविवारी मध्यरात्री बिबट्याने थेट मानवी वस्तीत शिरकाव करत जांभळी येथील माजी पोलीस पाटील आनंदा कांबळे यांच्या घरात घुसून त्यांच्या पाळीव कुत्र्यावर हल्ला करून त्याला ठार केले. या घटनेमुळे संपूर्ण परिसरात घबराट पसरली असून नागरिकांमध्ये भीतीचे सावट अधिक गडद झाले आहे.

दरम्यान, रानडुकरांकडून शेतीचे नुकसान आणि बिबट्याच्या हल्ल्यांमुळे पाळीव जनावरांचे बळी जात असल्याने ग्रामस्थ दुहेरी संकटात सापडले आहेत. वन विभागाकडे वारंवार तक्रारी करूनही ठोस उपाययोजना होत नसल्याची नाराजी व्यक्त होत आहे. गस्त वाढवणे, पिंजरे लावणे आणि नागरिकांना सतर्कतेच्या सूचना देणे अशा तातडीच्या उपाययोजना कराव्यात, अशी मागणी आता जोर धरत आहे. दै. एक्यने यासंदर्भात वृत्त दिले आहे.