माथाडी वस्तीत ‘ज्ञानाची भेट’! मानव आर्टस् फाउंडेशन व युथ फॉर सेवा संस्थेकडून 200 विद्यार्थ्यांना शालेय बॅगांचे वाटप

यामध्ये नेरुळ येथे 132 तर सानपाडा येथे 68 विद्यार्थ्यांना बॅगा देण्यात आल्या. या उपक्रमामुळे गरजू कुटुंबातील विद्यार्थ्यांना मोठा आधार मिळाला आहे.

या कार्यक्रमाला युथ फॉर सेवा संस्थेच्या जयेशा पवार, महिला विकास आणि शिशु संस्कार केंद्राचे मुख्य समन्वयक सचिन कर्डक, मानव आर्टस् फौंडेशनच्या अध्यक्ष उज्वला वाडकर, सचिव सेजल माने आणि खजिनदार आशा मनसुखे यांची उपस्थिती होती. तसेच कै. अण्णासाहेब पाटील रहिवाशी संघाचे उपाध्यक्ष मारुती मोहिते आणि खजिनदार बबन जाधवही उपस्थित होते. हा उपक्रम यशस्वी करण्यासाठी अजय सुपेकर, योगेश पवार आणि रोहिदास धुंदाळे यांनी विशेष परिश्रम घेतले.