Wai News - अन् पाहिलेलं स्वप्न पूर्ण झालं! चिखलीचा सुपुत्र करण सोनावणेची मुंबई पोलीस दलात निवड

वाई (Wai News) तालुक्यातील चिखली गावचा सुपुत्र करण सोनावणे याची मुंबई पोलीस दलात निवड झाल्याने परिसरात आनंदाचे वातावरण पसरले आहे. अत्यंत प्रतिकूल परिस्थितीत शिक्षण घेत, सातत्याने परिश्रम करून करणने हे यश संपादन केले आहे. त्याच्या या यशामुळे चिखलीसह संपूर्ण वाई तालुक्याचा अभिमान उंचावला असून, गावकऱ्यांकडून त्याचे कौतुक होत आहे.

करण सोनावणे याने लहानपणापासूनच पोलीस दलात जाण्याचे स्वप्न पाहिले होते. कठोर मेहनत, जिद्द आणि चिकाटीच्या जोरावर त्याने हे स्वप्न साकार केले. त्याच्या यशामागे कुटुंबीयांचे पाठबळ आणि शिक्षकांचे मार्गदर्शन महत्त्वाचे ठरले. गावातील युवकांसाठी करण आता प्रेरणास्थान बनला असून, त्याच्या पुढील वाटचालीसाठी सर्वत्र शुभेच्छांचा वर्षाव होत आहे.