Wai News – वयगांवचा मान उंचावला! संतोष केळगणे यांना राज्यस्तरीय पुरस्कार; रंगरेषांतून उभा केला कलेचा अनोखा ठसा

संतोष केळगणे हे वॉल पेंटिंग, लाईव्ह चित्रकला आणि विविध प्रकारच्या पेंटिंगमध्ये पारंगत आहेत. त्यांच्या भित्तीचित्रांमध्ये आकर्षक रंगसंगतीसोबत सामाजिक संदेशही पाहायला मिळतो. सार्वजनिक ठिकाणी त्यांनी साकारलेली चित्रे लोकांचे लक्ष वेधून घेतात आणि परिसराला एक वेगळी ओळख देतात. त्यांच्या कलेमुळे अनेक ठिकाणी सौंदर्यवर्धनासोबतच जनजागृतीचे कामही झाले आहे.

आपल्या मेहनतीच्या जोरावर संतोष केळगणे यांनी अल्पावधीतच कलाक्षेत्रात स्वतःची वेगळी ओळख निर्माण केली आहे. त्यांच्या या यशाबद्दल गावकऱ्यांसह विविध स्तरांतून त्यांचे कौतुक होत असून पुढील काळातही ते असेच उल्लेखनीय कार्य करत राहतील, असा विश्वास व्यक्त केला जात आहे.